Paris Saint-Germain ka triumfuar me rezultat bindës 4-0 ndaj Inter Miamit në ndeshjen e 1/8 së finales në Kupën e Botës për Klube.

Kampionët e Evropës gjithë punën e kanë kryer në pjesën e parë, ku realizuan katër golat, shkruan Arbresh.info.

Dy golat e parë për parisienët i shënoi portugezi Joao Neves.

Fillimisht ai shënoi në minutën e gjashtë pas një asistimi nga bashkëkombasi i tij, Vitinha.

Kurse rezultatin e dyfishoi gjashtë minuta para fundit të kësaj pjese pas asistimit nga Fabian Ruiz.

Një autogol i Tomas Aviles, i cili devijoi një prekje të Fabian Ruizit, i dhuroi golin e tretë Parisit. Parisi nuk u ndal me kaq dhe shënoi edhe golin e katërt me anë të Hakimit, në minutën e tretë të shtesës.

Vlen të theksohet se gjatë pjesës së parë, Inter Miami nuk pati asnjë goditje në portën e Donnarumas.

Pjesa e dytë nuk solli shumë raste serioze për gol. Inter Miami u mundua që së paku të gjej golin e nderit por nuk ia arriti dot.

Në çerekfinale, Parisi do të përballet me fituesin e ndeshjes Flamengo – Bayern Munich./Arbresh.info